KLIF hf var stofnað í mars 1966 og höfum við því þjónustað landsmenn í yfir 50 ár.  Klif er að fullu í eigu starfsmanna.

Fyrirtækið hefur sérhæft sig í þjónustu við málmiðnaðinn, en höfum í tímans rás bætt við öllum fylgihlutum, auk nauðsynja fyrir skip. Við eigum á lager nánast allt viðkomandi rafsuðu og logsuðu eins og suðuvélar, afsogsbúnað, slípivörur, rafsuðuhjálma, kapla, hanska, suðubyssur, o.fl.o.fl. 

Meðal nauðsynja fyrir flotann nefnum við ál-forskaut, bremsuborðaefni og lúgupakkningaefni.

Félagið hefur á löngum starfsferli eignast stóran hóp viðskiptavina, svo sem fyrirtækja í málmiðnaði, jarðvinnslu- og byggingaverktaka, stóriðju, fiskvinnslu- og útgerðarfyrirtæki, sem og sjálfstætt starfandi iðnaðarmenn um allt land.

Fastir starfsmenn eru 4 sem allir eru lærðir og með fullum réttindum, hver í sinni iðngrein.

Við höfum kappkostað að eiga söluvörur okkar fyrirliggjandi á lager okkar og veita viðskiptamönnum okkar góða þjónustu og leiðbeiningar.
Söluvörur okkar eru keyptar milliliðalaust frá framleiðendum og erum nú umboðsaðilar fyrir yfir 40 framleiðendur.